မုဆိုးအက
တစ်တောလုံးကြွေမှ ငါက အပင်စပေါက်တယ် သူက သမင်အက ကပြီး ငါက မုဆိုး မလုပ်တတ်ဘူး ဒီလိုနဲ့ ကိုယ့်စိတ္တဇကိုကိုယ် ဆာလောင်စွာ ဖုန်းခဏခဏ ဆက်ရ ချစ်ခြင်းကို တူးခါးအောင် မကြောင်နဲ့!! ဒီနေ့လို ငြိမ်သက်မှုမျိုးနဲ့ဆို မနက်ဖြန်ဟာ မသန်စွမ်းနိုင်ဘူး လွမ်းဆွတ်ခြင်းက တစ်စက္ကန့်တိုင်း နှစ်ဆတိုး, တိုးလာ ရင်ဘတ်ထဲက တစ်တောလုံး … ခွေအတွေ အူကြ တစ်ကမ္ဘာလုံးရွာနေတဲ့ ချစ်ခြင်းတရား ၁၅၀၀ ငါ့ဆီမှာမှ မိုးခေါင်ရေရှား သမင်အကနဲ့ ညီမလေးရေ ကိုယ်က အခုမှ မြှားတွေ ချွန်နေတုန်း …။ ။