လွမ်းတဲ့အကြောင်း
Posted on Sep 9, 2007
လကွယ်ည ကြယ်လေးတွေက ပြောတယ်
“လမင်းလေးကို လွမ်းကြောင်း
ဘယ်သူ့ကို ပြောပြရမှာလဲ”တဲ့ ။
သိလား … ချစ်သူ
လေပြေညှင်းရဲ့ ညင်သာမှုမျိုးနဲ့
မင်းကို သတိရတာလေ
မှတ်မှတ်ရရ (ဒီညပါဆိုရင်)
ညပေါင်း ၂၉၃ ည ရယ်လေ …
ဒီလိုပါပဲလေ
အချစ်ဆိုတာ
နူးနူးညံညံလေး ခံစားလိုက်ဖို့တောင်
တော်တော်ခက်ခဲ
လွမ်းတဲ့ညတွေက လေးထောင့်ဆန်လွန်းတယ်။
မသေမချာ လွမ်းဆွတ်ရမှုတွေကို
ရပ်တန်းက ရပ်ပေးပါတော့ ချစ်သူ
အလင်းပြန်ခြင်း နိယာမတွေ မှန်နေဦးမယ်ဆိုရင်တော့
ဒီညပဲ … မင်းငါ့ကို သတိရကြောင်း
ငါ… အိပ်မက်ထဲ ထည့်မက်လိုက်တော့မယ် ။