အပျိုး

မင်းအတွက်  
ငါ့ရဲ့ နောက်ဆုံးဆိုတာ  
တကယ်တော့ အစပါပဲ

ငါဟာ  
မင်းသီဆိုမယ့် သီချင်းရဲ့ သံစဉ်ပါ  
မင်းအသစ်မက်မယ့် အိပ်မက်ရဲ့ အမှန်တရားပါ  
မင်း တွေးခေါ်မယ့် အတွေးအခေါ်ရဲ့ နံရံတွေပါ  
မင်းအလိုရှိမယ်ဆိုရင်  
ငါက တစ်ရှုးတစ်စလည်း ဖြစ်ရဲ့  
မင်းပါးပြင်ပေါ်မှာ စွတ်စိုနေတဲ့ ချွေးစက်လေးတွေကို  
ခြောက်သွေ့အောင် ဖယ်ရှားပေးဖို့လေ  
ပြီးရင်  
ငါ့ဘဝကို လုံးခြေပြီး မင်းပစ်ခဲ့ချင် ပစ်ခဲ့ပေါ့ကွာ

ပြောရမယ်ဆိုရင်  
မင်းဖိနပ်လေးရဲ့ ယုံကြည်မှုဟာလည်း ငါဖြစ်လေရဲ့

မင်းရဲ့ အလှအပတွေမှာ ယဉ်ပါးဖို့  
ငါ့ကို လက်သပ်မွေးမြူပါလေ

နောက်ဆုံးမှာ  
ငါ့ကို မထားခဲ့ပါနဲ့  
ငါက အခုမှ အစပဲ ရှိသေးတာ