အလွမ်းခနေတဲ့ ကြယ်တွေအကြောင်း

အလွမ်းခနေတဲ့ ကြယ်တွေအကြောင်း  
ဒီလိုပြောကြစတမ်းဆိုရင်  
သူမဟာ  
ငါ့ကောင်းကင်က ကြယ်တွေကို ဖူးပွင့်စေခဲ့တဲ့ နတ်သမီးပဲ  
သူ့ရယ်သံလေးတစ်ချက်နဲ့တင်  
ငါ့အကိုင်းအခတ်တွေအားလုံး နူးညွတ်ကြွေကျသွးခဲ့ဖူးတယ်

ရွှေရောင်မနက်ခင်းတွေမှာ  
ငါ့ကို ဝမ်းနည်းစိတ်နဲ့ နိုးထစေခဲ့တာ သူမပေါ့  
သူမနှုတ်ခမ်းတွေနဲ့ လင်းလက်ခဲ့တဲ့ အလွမ်းဟာ  
ဘာကိုမှ မမြင်နိုင်အောင် စူးရှတောက်ပလွန်းတော့  
ဘဝကို ငါကိုယ်တိုင် အလွမ်းနဲ့ ရဲရင့်စွာ ချုပ်လုပ်ခဲ့ပါတယ်  
နတ်သမီးလေးရေ

သူမရဲ့ ကြင်နာတဲ့ ချစ်ခြင်းမှာ  
ငါ့ရဲ့ အလွမ်းတွေ နှင်းဖြစ်ပါစေ  
ငါချစ်တဲ့ ဆောင်းမှာ  
မနှစ်ကလို အထီးကျန်မှုတွေ မရှိရပါစေနဲ့  
ငါ့အသွေးအသားထဲမှာလည်း  
သူမနာမည်ကို ထာဝရ ရေရွတ်နေပါရစေတော့

ငါ့ရင်ထဲက အလွမ်းခနေတဲ့ ကြယ်တွေလေ  
ကြွေကျမသွားရအောင်  
မနည်း ခုခံတားဆီးနေရတော့တယ် …။ ။