လွမ်းတဲ့အကြောင်း

မှိတ်တုတ်မှိတ်တုတ်နဲ့ ငါ့အလွမ်းတွေ အားကောင်းလာလိုက်တာ  
ညဆိုတာမှာ အိပ်စက်ခြင်းကို ငါမေ့သွားတယ်

ငါ့လက်ဖျားပေါ်က အနွေးငွေ့လေး  
အခုထိ လောင်ကျွမ်းအားကောင်းတုန်း  
နူးညံ့ခြင်းတစ်သိုက်နဲ့ ငါ့စိတ်တွေ လှိုက်သွားတယ်  
သာမာန်ကိစ္စလေးမှာလဲ သူ့ကြီးကျယ်ခမ်းနားမှုနဲ့သူ

ချစ်ခြင်းမေတ္တာမှာ ငါကျေနပ်တာလည်း ဒါပဲ  
ရိုးရိုးဆန်းဆန်း ဂုဏ်ဒြပ်ခြင်းအတူတူ  
သတိရစိတ်ခြင်း ထပ်တူ  
ငါ့ညတွေကို ကိုင်လှုပ်နိုင်တာခြင်းလည်း တူ

အများကြီးပေးဆပ်စရာ မလိုဘူး  
ဘာမှ ကြီးကြီးကျယ်ကျယ် လုပ်ပေးစရာလည်း မလိုဘူး  
ဒီကောင်မှာ  
မင်းလက်ဖဝါးလေးတစ်ဖက်တည်းနဲ့တင်  
အလွမ်းတွေ သွပ်သွပ်ခါနေပေါ့…။ ။