နှလုံးသားတစ်ခြမ်း အခိုးခံလိုက်ရတဲ့ မနက်

စံပယ်တွေ အသစ်ပွင့်တဲ့နေ့က  
ကံဆိုးခြင်းနှစ်ဆနဲ့ အချစ်က ရောက်လာတယ်  
အမှောင်တံတိုင်းတွေ အထပ်ထပ်ကာရံလို့  
ဝေးကွာခြင်းမှာလည်း စိတ်ဓာတ်တွေ ပျက်လို့

နိဒါန်းမှာ ပြိုကွဲ ခဲ့တဲ့ အပိုင်းအစတွေက အခု ဆူးတယ်  
ရူးသွပ်ခြင်း တစ်ဝက်၊ ဆင်ခြင်တုန် တစ်ဝက် ရောလိုက်တော့  
အချစ်က သုံးမရအောင် ညစ်ပေကုန်တာပဲ  
နိဒါန်းရဲ့ တစ်ဝက်မှာ

ညီမလေးရေ … အချစ်ဆိုတဲ့ ကောင်ကြီးက  
ဘဝကို အံစာခေါက်သလို ခေါက်တာဟ  
အခုကို ငါ့မှာ လိမ့်ပိန့်လို့  
ဘာဂဏန်းကျရမှန်းလဲ မသိသေးဘူး

မနီးနိုင်သေးတော့လည်း ဝေးပေါ့ကွာ  
ခဏလေးဆိုပေမယ့်  
ဒီမှာက တစ်တောလုံး အလွမ်းတွေ ပွင့်ခဲ့

သီချင်းတစ်ပုဒ်လို မချိုတဲ့ မနက်ပါ  
စံပယ်တွေ ခါးတယ်  
တစ်နွေစာ ပူတယ်  
ငါကလည်း အချစ်မှာ ကလေးတစ်ယောက်လို ရူးခဲ့တယ်။ ။