ဇနီးသည်များ
Posted on Apr 22, 2009
ဇနီးသည်တစ်စု ဝိုင်းဖွဲ့စုမိကြတဲ့အခါ ပြောကြတယ်
ကုန်ဈေးနှုန်းတွေအကြောင်း
ကုန်စည် ပစ္စည်းသစ်တွေအကြောင်း
ခင်ပွန်းသည်ရဲ့ အလုပ်အကိုင်အခြေအနေအကြောင်း
သားရေးသမီးရေးအကြောင်း
နောက်
ရွှေငွေ ရတနာတွေအကြောင်းနဲ့
ရယ်စရာမောစရာတွေ … ထပ်ကာ… ထပ်ကာ…
အခြားဇနီးသည်တစ်စု တွေ့ဆုံမိကြတဲ့အခါ ပြောကြတယ်
လမ်းခရီးအခြေအနေတွေအကြောင်း
ခရီးစရိတ်၊ ကုန်ကျစရိတ်တွေအကြောင်း
ခင်ပွန်းသည်ရဲ့ ကျမ်းမာရေးနဲ့ စိတ်အခြေအနေအကြောင်း
နိုင်ငံနဲ့ ကမ္ဘာအရပ်ရပ်က ဖြစ်ရပ်တွေအကြောင်း
နောက်
အားပေးစကားတွေနဲ့
လေးထောင့် နံရံတံတိုင်းတွေအကြောင်း … ထပ်ကာ… ထပ်ကာ…