အိမ်ပြန်လမ်း
အိမ်အပြန်လမ်းက အပေ့ါပါးဆုံးငှက်တောင်မွေးလေးလိုပဲ လေထဲဝဲ ချစ်သူဆီ အတော်ဖြန့်တဲ့လမ်းမှာ ရှိသမျှပန်းတိုင်း အဝါရောင် ကားဘီးတစ်ပတ်လိမ့်တိုင်း ငါ့နှောင်ကြိုးတစ်ပတ်လျှော့ နာရီတစ်စက္ကန့်ခေါက်တိုင်း ငါ့ရင်ဘတ်ပြုတ်ပြုတ်ကျ “အန္တရာယ်အကွေ့” “ယဉ်တိမ်းမှောက်မှု မကြာခဏဖြစ်သည်။ ဖြေးဖြေးမောင်းပါ” သတိပေးဆိုင်းဘုတ်တွေလည်း အဝါရောင်လှ တစ်ကွေ့ပြီးတစ်ကွေ့ တစ်တောင်ပြီးတစ်တောင် ဒီလောက်ပေါ့ပါးတာ မရှိခဲ့ဘူး ငါဟာ လွှင့်မျှောလိုက်ပါ ခရီးလမ်းရဲ့ဟိုဘက်က ချစ်သူဆီ