ဒီကဗျာကို ခိုးပါ
Posted on Aug 13, 2009
ကဗျာတစ်ပုဒ်ဖြစ်ဖို့ အလွယ်ကလေးပဲဗျ
ငါ့မှာ တအံတသြဖြစ်ရ
တု၊ စု၊ ပြု မဟုတ်တော့ဘူးနော်
တိုက်-ရိုက်-ကူး ဖြစ်နေပါပြီ
တချို့တွေများပြောပါတယ်။
သူနဲ့ ငါ တူတာလည်းမဟုတ်၊ ဆွေမျိုးလည်း မတော်
အဲဒါကို
ငါ့လွမ်းတဲ့အကြောင်းက သူ့လွမ်းတဲ့အကြောင်း
ငါ့မိသားစုက သူ့မိသားစု
ငါ့အမေကလည်း သူ့အမေ တဲ့
မေ့သွားသလားတော့မသိဘူး
အောက်ခြေမှာ ငါ့နာမည်မပါတာကလွဲလို့ ကျန်တာအားလုံးတူတယ်။
အဲဒါလည်းကဗျာဖြစ်တာပဲ
ကိုမိုးလှိုင်ညပြောသလို Copy-Paste ကဗျာလေ
ကိုယ်စား ရေးခိုင်းထားသလိုပဲနော်
ကဗျာ အမြွှာပူးလေးလား
ယူကြဦးမလား ကဗျာ
ဟော့ဒီမှာနော် အားလုံးအတွက် ကဗျာ။
(သက်ဆိုင်သူများသာ)