ဒုက္ခကိုလွယ်ပြီး အားလုံးအဆင်ပြေပါတယ်ပြောတယ်

ရှိတဲ့ထမင်းနဲနဲလေးကိုပဲ အများကြီးရှိသလိုအကြာကြီးစားတယ်  
ဗိုက်ကလေး မဝတ၀ကိုပဲ အဝကြီးဖြစ်နေသလို ရေသောက်တယ်

ဆရာပြောသမျှ တစ်စွန်းတစ်စကြားပြီး သိသလိုလို ခေါင်းညိမ့်တယ်  
တစ်လုံးမှနားမလည်တဲ့စာတွေကို နားလည်သလိုခပ်တည်တည်ကျော်ဖတ်တယ်

ဖြစ်နေပုံများပြောပါတယ်  
မိုးရွာနေတာသိရက်နဲ့ ထီးမဆောင်းဘူး  
ဖိနပ်ထဲက ခဲလုံး၊ များများနင်းပေးရုံနဲ့ ထွက်မသွားဘူး

မေမေရေ…  
ဒီနေ့ကျွန်တော် ကိုယ့်ကိုကိုယ် အမှန်ပြောဖို့ ဘာကြောင့်များခက်နေရပါလိမ့်။  
ဒုက္ခကိုမှ အလှဆင်လွယ်ပြီး  
အားလုံးအဆင်ပြေပါတယ် ပြောမိတယ်လေ။