ရပ်ကြည့်နေရင်း ချော်လဲ

အိမ်မက်တွေ တောင်လိုရာလိုပုံ  
ယုံကြည်ခြင်းတွေ မခမ်းနားတော့ဘူး  
ဖြစ်ပျက်သမျှရပ်ငေးနေဖို့ ငါကိုက တတ်နိုင်လွန်းတယ်

ဆင်ခြင်တုံတရားလည်း ချွန်းမအုပ်နိုင်ဘူး  
စဉ်းစားဉာဏ်မရှိဘူးလားဆိုတော့လည်း မဟုတ်ဘူး  
ဒီနေရာမှာပဲ ရပ်တန်းက ရပ်ရင်ကောင်းမယ်နော်  
လုပ်စရာရှိတာ ဆက်လုပ်ဖို့

နာရီတွေ ခပ်မြန်မြန်လည်  
ထုံအမှုနဲ့ စီးဆင်း  
ခပ်မြန်မြန် … ခပ်မြန်မြန်  
အလွန်လျှင်မြန်စွာ

အခုမှ စနစ်တကျ ချော်လဲတယ်ဆိုတာ