၇-မတ်-၂၀၁၂
Posted on Mar 21, 2012
မွေးနေ့ဆိုတာ၊
အခုနောက်ပိုင်း ကြောက်စရာရောဂါတစ်မျိုးဖြစ်လာတော့တာပဲစိတ်ကူးထဲမှာ နေဝင်ချိန်ကို ငေး ငေးကြည့်
ဆင်ခြင်တုံဆိုတာ သတ္တဝါတစ်မျိုး နာမည်လား???
များများပြုံးနိုင်ဖို့အတွက် များများတွေဝေမလား???
ကိုယ့်စိတ်ကိုကိုယ် ပိုင်ဖို့ နိုင်ဖို့ မဟာတော်လှန်ရေးကြီး စ ရင်ကောင်းမလား???
လွတ်ချခဲ့သမျှတော့ အဖိုးတန် ညနေခင်းတွေချည်း
(ဆုပ်ကိုင်ထားခွင့်လည်း မရှိခဲ့)
ငါ့မှာ နေမဝင်တော့ဘူး
မိုးစုန်းစုန်းချုပ်
ဒီလို
ဘဝက လုံးသွားပြီဆိုတိုင်း
Jeremy Lin ရဲ့ ပစ်ဘောတွေလိုတော့ မဟုတ်သေး
လိမ်ဖယ် လိမ်ဖယ်
ကဲ ဟေ့
ဒီတစ်ကွေ့လည်း… အရှိန်မလျှော့ပဲ ကွေ့ချလိုက်တာပဲ ပျော်စရာ
ခြေသံတွေ လုံခဲ့သမျှ၊ ကိုယ့်လိပ်ပြာကို ပြန်လှန့်ရမယ်ဆို
ငါ/ကျွန်တော်/ဟုတ်ကဲ့/ဟင်အင်း
၈ မတ်လ ၂၀၁၂