ကိုဗစ်-၁၉

ကဗ္ဘာကြီး ဖျားနာ
လူတွေလည်း ဖျားနာ
လူတွေကို ကယ်တင်ဖို့ ကဗ္ဘာကြီးရောက်လာ
ကဗ္ဘာကြီးကို ကယ်တင်ဖို့ လူတွေရောက်လာ
ပိတ်ဆို့မှုတွေ မွန်းကြပ်မှုတွေ ကြောက်ရွံ့ စိုးရိမ်မှုတွေ
သွေးစိမ်းရှင်ရှင် သံသယတွေ
တစ်ချို့ဘဝတွေ ပဲ့ကျသွား
တစ်ချို့ဘဝတွေ အသက်ရှုကြပ်
စီးဆင်းမှုထဲ လူသားဆန်မှုတွေ အရည်ပျော်လာ
စီးဆင်းမှုထဲ ခွဲစိတ်ခန်းသုံးမျက်နှာဖုံးအမှိုက်တွေ ပိတ်ဆို့
ဒဏ်ရာတွေ အထွေးလိုက်
မျှော်လင့်ခြင်းတွေ အထွေးလိုက်
ရီနေတာ ငိုနေတာ
ပေးဆပ်မှုတွေ အသိမှတ်ပြုလိုက်ရဲ့
ကဗ္ဘာကြီးလည်း လည်နေတုန်း
လူတွေလည်း ရှင်သန်ရုန်းကန်နေတုန်း

၁၇/၀၃/၂၀၂၀ ၁၈း၅၁