ကြယ်တွေအတွက် ကဗျာ

အခုတစ်လော
လူတွေကြွေရင် ကြယ်ဖြစ်သတဲ့
ကြယ်မှုန်ကြယ်မွား ကြယ်အကျွင်းအကျန်အတွေဟာ
ငါ့ရဲ့ မပျော်ရွှင်ခြင်းတွေဖြစ်လာခဲ့
ငါရယ်နေမိတယ်
ငါ့ခံစားချက်အသေတွေ ပွက်ပွက်ဆူ လောင်မြှိက်လို့။

ဒဏ်ရာတွေက ထပ်သလဲလဲ နက်သထက်နက်လာ
မုန်တိုင်းလမ်းကြောင်းတည့်တည့်က ငါ့ဝိဉာဥ် အကြိမ်ကြိမ် ပြိုကွဲ
ငါကြေကွဲလိုက်ပုံများ
ငါ့ကိုငါတောင် ပြန်ကောက်သိမ်းစရာ မရှိတော့

ပျော်ရွှင်မှုတွေ မရှာဖွေချင်တော့ပါဘူး
စိတ်ကျတွင်းနက်တဲ့ ခုန်ဆင်း
ငြိမ်ငြိမ်လေးသာ ထိုင်ချင်နေမိ
အဓိပ္ပါယ်တွေ အရောင်လွှင့်ကုန်တာ အသာထိုင်ကြည့်ရင်း။

သွားနှင့်ကြတော့ ကြယ်တို့ရေ
ငါလည်း တစ်နေ့တော့
အတွင်းလောင်မြှိုက်ခြင်းဆီမှ
အပြင်လောင်မြိုက်ခြင်းဆီသို့ အတောက်ပဆုံး။