အိမ်ပြေး

ဖြစ်ပုံက ပျက်ပုံနဲ့တူတူပဲ
တစ်စစီ လိုက်ပြန်ဆက်နေရ
အလိုလိုနေရင်း အသက်ရှုကျပ်နေရ
အိမ်မျှော်သူဟာ မုန်တိုင်းကို ဖြတ်ဆဲ
စက္ကန့်တံတွေရဲ့ ခုတ်ထစ်မှုမှာ မွစာကြဲဆဲ
ပြစ်ချခဲ့တဲ့ မျှော်လင့်ချက်တွေကို အကြိမ်ကြိမ် တောင်းပန်ဆဲ
အိမ်မက်တွေဟာ အိမ်မက်တွေထက်ပိုတယ်
နိုးထခြင်းမှာ မျက်ရည်ဝဲရ၊ စိတ်တွေ ပြန်တင်းရ
ဒီလိုပဲ နူးညံမှုတွေ (ပျော့ညံ့မှု ?) တွေကို ပလက်ထားရ
ဇန်ဘီတွေလိုပဲ
အလိုလိုနေရင်း အသက်ရှုကျပ်နေရ
ဒီလိုပဲ သွားနေရတာပါပဲ
အခုတော့ အိမ်မပြန်ချင်တော့ဘူး
အခုတော့ စိတ်ဟာ ခွေရူးလိုပဲ ယောက်ယက်ခတ်
အခုတော့ ကိုယ့်စိတ်ကို ကိုယ် ခပ်ရေးရေး မြင်မိ
တကယ်တော့ ငါဟာ ငါမျှော်နေတဲ့ အိမ်ရဲ့ အဝေးကို ပြေးနေသူပါပဲ
ဝေးနိုင်သမျှ ဝေးဝေး
ဝမ်းနည်းဖို့ကောင်းနေသလား
တစ်စစီ လိုက်ပြန်ဆက်နေရ
ရွှံဗွက်လို စိတ်တွေ လူတိုင်းနင်းဖြတ်သွားဖို့
ဥပေက္ခာ ဓားသွားက  ငါ့ကို နက်နက်နဲနဲ တရားပြရဲ့
ဒီလိုပါပဲ မုန်တိုင်းကို ဖြတ်ဆဲ
ဒီလိုပဲ သွားနေရတာပါပဲ
နောက်ဆုံတော့ ပျက်ပုံက ဖြစ်ပုံနဲ့ တူတူပါပဲ